Søndagsmoro: På krabbefiske i Hystadmarkjo
Det var ein ivrig og engasjert gjeng som leita etter krabber, då rundt 70 små og store var på tur saman til Apalvikjo 28. april.
Søndagsmoro: Kom deg ut-dagen
3. februar arrangerte Barnas Turlag Stord-Fitjar den tradisjonelle Kom deg ut-dagen. Søndagsmoro var med, og det var ein dag utanom det vanlege på Lundarstøl!
Søndagsmoro våren 2019
Her er datoane for Søndagsmoro våren 2019! Bli med, og spre ordet om turane til andre du trur kan vere interesserte. Me gler oss!
Søndagsmoro: Sommarfest i Breivikjo
Første helga i sommarferien hadde me ei koseleg stund med grilling og aktivitetar i Breivikjo på Rommetveit.
Folkehelsedagane på Stord
6. mai deltok CISV Sunnhordland på Folkehelsedagane med Søndagsmoro ved Ådlandsvatnet. Røde Kors laga popkorn på bålpanner, og det var ekstra mange turfolk på ruta denne dagen.
Søndagsmoro: Gerda-stien i godt vêr
Midt i mars var me nok ein gong klare for tur. Er det slik at sola skin litt ekstra når det er Søndagsmoro? Etter runden i Gerda-stien inviterte Andrea og Joar til grilling og leik i hagen. Det var god stemning og me hadde ein fin søndag saman på Øvre Økland!
Søndagsmoro: Grilling i Skjepåsen
Ein kjekk gjeng tok turen saman med Søndagsmoro og deltok på aktivitetar og grilling i Skjepåsen. Me leikte minneleik med både små og store, og dei mest ivrige gjekk mange rundar i køen. Marshmallow i premie til dei som klarte å hugse alle tinga me hadde gøymt!
Karneval og casino night 2018
For tredje år på rad arrangerte me nyttårsfest i Litlabø samfunnshus. I år som i fjor var det karneval og casino night med discotek, konkurransar og mange ulike leikar i løpet av kvelden. Tre år betyr tradisjon, så no gler me oss allereie til ny fest neste år!
Søndagsmoro: Akedag på Lundarstøl
I samband med Kom-deg-ut-dagen 21. januar i regi av Turlaget, hadde me akedag på Lundarstøl. Det var mange som tok turen denne søndagen. Takk for ein fin aktivitetsdag!
Juleverkstad
25 små og store hadde ei triveleg stund på Langeland skule ein søndag i førjulstida. Det blei produsert filthjarte, julekort og diverse anna julepynt. No kan jula berre komme 🙂
Pepperkakehus til Pepperkakebyen
I slutten av november møttest me for å dekorere pepperkakehus til Pepperkakebyen på Stord. Det blei ei flott samling hus og eit fargerikt og fint bidrag til byen. Me håpar mange tek turen innom Pepperkakebyen i Borggata og ser kva me laga 🙂
Søndagsmoro: Tur til Skjepåsen
19. november var me tilbake i Skjepåsen for grilling og leik i sola. Takk for ein fin tur!
Verda på Stord og TV-aksjonen 22. oktober
I år som i fjor deltok CISV som bøssebærarar under TV-aksjonen. CISV hadde ansvar for utdeling av bøsser og roder på Nordbygdo, og stilte med mange, kjekke bøssebærarar.
Tusen takk til alle medlemmer som deltok denne dagen!
Storstilt markering av fredsdagen
Det blei ei flott feiring av fredsdagen torsdag 21. september! 9 lag trossa regn og deltok i ei sportsleg tevling på Torget på Leirvik for å markere FNs internasjonale dag for fred. Tenk at me har så mange flotte lag og organisasjonar som engasjerer seg!
Søndagsmoro: Tur til Hauglandskvedno
Haustens første Søndagsmoro gjekk til Hauglandskvedno i strålande solskinn. På turen inn fekk me ulike oppgåver me skulle løyse, og då me kom fram fekk me premie og spelte kubb 🙂 Me skreiv oss også inn i turboka.
Tusen takk for ein kjekk tur ilag!
Kompaz starta haustprogrammet
31. august var Kompaz på Stord og hadde aktivitetskveld for CISV Sunnhordland. Oppmøtet var ikkje det største, men stemninga var det ingenting å seie på!
Verda på Stord saman med Interchange
Interchange er eit av CISV sine internasjonale program. I sommar deltok ein delegasjon frå Sunnhordland på Interchange med Bulgaria. I løpet av tida dei var i Norge, arrangerte CISV Sunnhordland to aktivitetsdagar gjennom Verda på Stord. Me hadde det moro i lag!
Sommarfest i Breivikjo 13. juni
Tradisjonen tru møttest me i Breivikjo til sommarfest. Det blei ei fin avslutning på eit halvår med mange og varierte aktivitetar. Det blei også høve til å ønskje god leir til alle delegasjonane som skulle delta på internasjonale leirar i sommar. Grilling og CISV-aktivitetar stod som alltid på programmet! 🙂
Søndagsmoro: På tur i Gerda-stien
28. mai var det nok ein kjekk tur med Søndagsmoro. Vêret var på vår side, og me fekk ein fantastisk flott tur i sol og varme. Me avslutta med kaffi og leik, kubb og krokett i hagen til Andrea.
Sjå bilete frå ein flott tur!
17. mai: CISV i Borgartoget
CISV Sunnhordland deltok i Borgartoget på Leirvik under to faner: “Saman for fred” og “Verda på Stord”. Mange av medlemmene våre og ein god gjeng frå mottaket på Litlabø gjekk saman. Ei flott feiring av mangfald!
Aktivitet 10-16 år: Uteleikar 15. mai
Som oppvarming til 17. mai, hadde me uteleikar og forskjellige konkurransar i tradisjonell stil. Her var det både stafettar og sekkeløp, for å nemne noko. Pause med is høyrte naturleg nok med 🙂
Sjå bilete.
Søndagsmoro: Besøk på Førland gard
I sol og fint aprilvêr besøkte omlag 120 små og store Førland gard med CISV Søndagsmoro 30. april.
Sjå kjekke bilete frå ein flott dag!
Aktivitetskveld på Leirvik skule
20. april var det foreldremøte for alle som har barn som skal delta på internasjonale leirar i sommar. Samstundes var det aktivitet for barn og unge i alderen 10-16 år. Me leikte ulike CISV-leikar og hadde det kjekt i lag 🙂
Søndagsmoro i Hystadmarkjo
I mars var det ein tøff gjeng som trossa vind og sludd og blei med på tur i Hystadmarkjo. Vêret blei stadig betre, og det samme blei stemninga 🙂 Over 60 små og store var samla i Apalvikjo til aktivitetar og sosialt samvær. Sjå bilete!
Karneval og casino night
23. februar inviterte me til karneval og casino night på Litlabø samfunnshus. Med over 70 betalande inn og mange kjekke aktivitetar, blei det ein riktig god fest!
Les meir og sjå bilete her.
Søndagsmoro i Skjepåsen
I februar var me tilbake i Skjepåsen på tur. Nærare 100 små og store var med oss denne gongen. Me grilla pølser og hadde ei aktivtetsløype for barna. Sjå bilete!
Årets første Søndagsmoro
22. januar var me i gong igjen! Me hadde aktivitetsløype og grilling på Lundarstøl. Tusen takk for ein kjekk turdag!
Velkommen med på neste Søndagsmoro 19. februar i Skjepåsen.
Juleverkstad for små og store
Verda på Stord arrangerte to juleverkstadar i desember. Les meir og sjå bilete frå dei to aktivitetane.
Søndagsmoro: Sol, pølser og marshmallows
I strålande solskin møttest familiar frå ulike nasjonar til leik og grilling på Lundarstøl. Det var ein riktig triveleg søndagstur!
Sjå bilete frå turen.
Teatersport
24. november møttest me på Langeland skule. Kirsti Aksnes, dramalærar frå HSH, kom og hadde teatersport saman med oss. Det blir ein særs underhaldande og morsom ettermiddag!
Tusen takk til Kirsti!
Me fekk Mosaikkprisen 2016!
I helga fann CISV sitt Høstmøte stad i Oslo. Dette er ei samling for alle fylkes- og lokallag i CISV Norge og består av ulike kurs, seminar og fagleg påfyll. Vel 120 deltakarar var til stades. CISV Sunnhordland stilte med ein stor delegasjon på sju personar.
Laurdag kveld var det festmiddag med utdeling av Mosaikkprisen 2016. Prisen går til eit lokallag eller personar som har gjort ein særskilt innsats for lokalmiljøet sitt. I år gjekk prisen til CISV Sunnhordland for prosjektet Verda på Stord.
Søndagsmoro: TV-aksjonen 2016
Søndag 23. oktober gjekk Søndagsmoro med bøsser for årets TV-aksjon som samla inn pengar til Røde Kors under slagordet “Sammen får vi hjelpen helt frem”. CISV hadde fått utdelt ei eiga rode som me fylte med eigne frivillige. Tusen takk til alle CISVarar som kom og gjekk årets viktigaste søndagstur!
Kompaz på Stord
Tysdag 18. oktober kom Kompaz på besøk til Stord. Som oppvarmingsleik stod me både på hender og hovud 🙂 Dei lærte oss også om FNs menneskerettar gjennom ulike kjekke aktivitetar. Sjå bilete her!
21. september: Verdas fredsdag
Tradisjonen tru markerte me FN sin internasjonale dag for fred 21. september. Me møttest på Leirvik og spelte fotball, hadde aktivitetsløype, fekk informasjon frå Røde Kors om årets TV-aksjon og åt bollar 🙂 Ei kjekk markering!
Søndagsmoro: Eventyrleg i Landåsen
18. september var det klart for ny tur. Omlag 60 små og store var med i Landåsen på tur til Eventyrskogen.
Sjå bilete frå turen 🙂
Søndagsmoro: Aktivitetar i Hystadmarkjo
28. august var me klare for ny tur etter sommaren. I strålande sol møtte små og store opp i båthamna i Sævarhagen for å ta turen gjennom Hystadmarkjo. Me stoppa i Apalvikjo for aktivitetsløype og morsomme konkurransar.
Det var mykje latter og godt humør denne dagen!
Søndagsmoro: Breivikjo 26. juni
Me møttest ved Rommetveit skule for ein kjekk dag i Breivikjo og leik i skulehagen. Dette var siste Søndagsmoro før sommaren, me snakkast igjen til hausten!
Sommarfest i Breivikjo
Onsdag 8. juni var det sommarfest for CISV sine medlemmer og ungdommar frå mottaket på Litlabø. Det var sol og god stemning, med grilling og ulike leikar. Theodor var også så tøff at han bada!
Takk for ein kjekk kveld!
Søndagsmoro: På tur i Gerda-stien
Nær 60 små og store var med på tur i Gerda-stien på Øvre Økland søndag 22. mai. Det var ein kjekk tur i regnet, med ulike oppgåver ein skulle utføre undervegs. Til slutt enda me opp i hagen til Andrea, kor to kjekke damer frå Bygdekvinnelaget hadde laga så mykje lappar me nesten aldri hadde sett før. Til og med hønene fekk smake lappar denne dagen 🙂
Tusen takk for turen, det var ein veldig kjekk dag!
Førebuing til 17. mai
11. mai møttest 34 ungdommar og 5 vaksne for å førebu oss til 17. mai. Me gjekk i tog, leika typiske 17. mai-leikar og starta arbeidet med ny fane til Verda på Stord. Stord ungdomsråd var med og arrangerte, og stilte med tre kjekke representantar.
Sjå bilete frå aktivitetane her!
Søndagsmoro i Skjepåsen
Godt over 60 små og store tok sundagsturen saman i Skjepåsen på vår første Sundagsmoro sundag 24. april. På vegen fekk turgåarane i oppgåve å svare på ulike spørsmål med tema skog og natur. Her måtte ein mellom anna svare på kven som bur i skogen (er det løver på Stord?), kva som veks naturleg (kan ein eigentleg plukke iskrem?) og kva som er lov å gjere ute i naturen (å kaste bos er ikkje greit!).
Spinae-forestilling og battling 14. april
Til saman var me 33 tilskodarar som fekk sjå Spinae-jentene øve til kommande forestilling denne torsdagen. Me var veldig imponerte over kor flinke dei var!
Etter forestillinga fekk me prøve oss på ein av dansane. Det var ikkje lett, likevel var det fleire av gutane som var modige og stod fram og viste kva dei hadde lært så langt.
Aktivitetskveld 16. mars
Onsdag 16. mars møttest rundt 30 ivrige deltakarar til uteleik. Her måtte ein ha nok pust til både HO-DA-DA-DA, Capture the Flag og fotballkamp.
For å fylle på med energi, hadde me pause med jorbærgelé og saft.
Makt og magi
Tysdag 16. februar møttest rundt 20 personar i kunsthallen på Stord Kulturhus. Kunstlaget fortalde oss om utstillinga Makt og magi; om likskapar mellom Ringenes Herre og Snorres Kongesagaer.
Me fekk prøve vikinghjelm, halde vikingsverd og prøvesitja ein kongestol. Etter utstillinga leika me “fax machine”.
Tusen takk til kunstlaget for ei kjekk og spanande samling!
Nyttårsfest
28. januar arrangerte me nyttårsfest på Litlabø samfunnshus saman med Stord Bygdekvinnelag. I alt 120 ungdomar og vaksne var med på festen. Bygdekvinnelaget serverte taco og dekka eit fantastisk kakebord.
Me leikte brettspelet “Kaos”. Deltakarane delte seg inn i lag som var blanda med ulike nasjonalitetar, og sprang huset rundt for å finne oppgåver dei kunne løyse, slik at dei fekk trille terningen og komme først i mål.
Juleverkstad
Torsdag 17. desember hadde me juleverkstad på Langeland skule. Me perla, sydde, klypte, limte og spelte spel, og hadde det veldig moro.
Sjå bilete her!
Pepperkakehus
19. november møttest me på Leirvik skule for å pynte pepperkakehus til peppekakebyen her på Stord, og for å spele brettspel. Det blei mange fine hus!
Sjå bileta her.
Aktivitet og konsert
Torsdag 15. oktober var det ny aktivitetskveld med Verda på Stord. Me møttest på Leirvik kl 17. Kompaz kom og hadde aktivitet med oss, det var moro!
Etter aktiviteten gjekk me til Kulturhuset for hip hop-konsert med Kløver og Skarre R i samband med refleksdagen. Det var ein skikkeleg kul konsert, mange fekk seg også bilete med autograf etter konserten.
Peace Day
21. september er den internasjonale fredsdagen. På Stord laga me eit stort banner for å ønskje velkomen dei einslege, mindreårige flyktningane som flyttar hit i haust.
Sommarfest
16. juni hadde me sommarfest med Verda på Stord og CISV Sunnhordland sine medlemmer. Me var rundt 20 oppmøtte som koste oss med sol, grilling, bading (!) og aktivitetar i regi av juniorgruppa i styret.
Me håpar å sjå alle igjen på samlinga i september 🙂 God sommar!
“Capture the flag” i april og mai
I april og mai hadde me kjekke samlingar med Verda på Stord på Langeland skule.
Les meir og sjå bilete her.
Verda på Stord 2015
Me er klare for nye aktivitetsdagar med Verda på Stord!
Første samling blir 23. april.
Verda på Stord 2014
I november arrangerte me to dagar Verda på Stord. Me hadde det veldig moro! Me hadde aktivitetar ute og inne, både veldig aktive og nokre meir rolege.
Her finn du nokre bilete frå dagane.
Verda på Stord 2013
9. og 10. juli hadde me to kjekke aktivitetsdagar med variert program. Den første dagen var me på Nysæter ungdomsskule og hadde ulike leikar, den andre dagen var me på ekskursjon til Sunnhordland museum og hadde aktivitetar der.